دن ڈھلا بڑھنے لگیں پرچھائیاں

دن ڈھلا بڑھنے لگیں پرچھائیاں

پھر وہی غم پھر وہی تنہائیاں

جھلملائے جیسے لہروں پر کرن

آس لیتی دل میں یوں انگڑائیاں

پاؤں کی پازیب کے گھنگھرو تھے اشک

ٹوٹنے پر بج اٹھیں شہنائیاں

جب نگر کی دھوپ میں جلنا پڑا

یاد آئیں گاؤں کی امرائیاں

اب بھلا تنہا کہاں میں رہ گیا

ساتھ ہیں میرے مری رسوائیاں

din dhala barhne lagen parchhaiyan

phir wahi gham phir wahi tanhaiyan

jhilmilae jaise lahron par kiran

as leti dil mein yun angraiyan

paon ki pazeb ke ghunghru the ashk

tutne par baj uthen shahnaiyan

jab nagar ki dhup mein jalna para

yad aen gaon ki umaraiyan

ab bhala tanha kahan main rah gaya

sath hain mere miri ruswaiyan