بازار جہالت میں سخن بیچ رہا ہوں

بازار جہالت میں سخن بیچ رہا ہوں

یہ گیت یہ نغمات یہ فن بیچ رہا ہوں

ہے کوئی خریدار تو آواز لگائے

روٹی کے عوض شعر و سخن بیچ رہا ہوں

کیا دام لگاتے ہو چلو تم ہی بتاؤ

سچائی کا انمول رتن بیچ رہا ہوں

پرکھوں نے بنایا تھا جسے لاکھ جتن سے

تہذیب و ادب کا وہ بھون بیچ رہا ہوں

تم ٹھیک ہی کہتے تھے تجارت نہیں آساں

اب کون خریدے جو سخن بیچ رہا ہوں

bazar jahalat mein sukhan bech raha hun

ye git ye naghmat ye fan bech raha hun

hai koi kharidar to awaz lagae

roti ke ewaz sher-o-sukhan bech raha hun

kya dam lagate ho chalo tum hi batao

sachchai ka anmol ratan bech raha hun

purkhon ne banaya tha jise lakh jatan se

tahzib-o-adab ka wo bhawan bech raha hun

tum thik hi kahte the tijarat nahin asan

ab kaun kharide jo sukhan bech raha hun