بکھیرے زلف رخ پر کون یہ بالائے بام آیا

بکھیرے زلف رخ پر کون یہ بالائے بام آیا

خیالوں کی فضا مہکی بہاروں کا پیام آیا

مزاج یار میں جب بھی خیال انتقام آیا

سر فہرست اپنا ہی گنہ گاروں میں نام آیا

عجب ہنگامہ دیکھا ہم نے ساقی تیری محفل میں

کوئی تشنہ دہن اٹھا کوئی چھلکا کے جام آیا

گراں کوشی میں افرازی تن آسانی میں پامالی

مشقت سرخ رو اٹھی تساہل زیر دام آیا

ظہور سیر چشمی ہی دلیل کامرانی ہے

مرا پندار نا آسودگی ہی میرے کام آیا

یہ مصرعہ دے دیا اقبال کا کس شوخ فطرت نے

سمند فکر کے آگے ضیاؔ مشکل مقام آیا

bikhere zulf-e-rukh par kaun ye bala-e-bam aya

khayalon ki faza mahki baharon ka payam aya

mizaj-e-yar mein jab bhi khayal intiqam aya

sar-e-fehrist apna hi gunah garon mein nam aya

ajab hangama dekha ham ne saqi teri mahfil mein

koi tishna dahan utha koi chhalka ke jam aya

giran koshi mein afrazi tan asani mein pamali

mashaqqat surkh ru uthi tasahul zer-e-dam aya

zuhur-e-sair chashmi hi dalil-e-kamrani hai

mira pindar-e-na asudgi hi mere kam aya

ye misra de diya iqbal ka kis shokh fitrat ne

samand-e-fikr ke age ziya mushkil maqam aya