اک عمر گزاری ہے تب راز یہ سمجھا ہے

اک عمر گزاری ہے تب راز یہ سمجھا ہے

جو کچھ ہے محبت ہے دنیا ہے یہ عقبیٰ ہے

اک آپ کا دامن ہے معمور مرادوں سے

اک میرا گریباں ہے جو خون میں لتھڑا ہے

اخلاص سے عاری ہے اب پرسش غم اے دل

یہ رسم ہی دنیا سے اٹھ جائے تو اچھا ہے

اس دور کشاکش میں ہم ہوں کہ ضیاؔ تم ہو

بکھرے ہوئے موتی ہیں ٹوٹا ہوا رشتہ ہے

ik umr guzari hai tab raz ye samjha hai

jo kuchh hai mohabbat hai duniya hai ye uqba hai

ik ap ka daman hai maamur muradon se

ik mera gareban hai jo khun mein lithra hai

ikhlas se ari hai ab pursish gham ai dil

ye rasm hi duniya se uth jae to achchha hai

is daur kashakash mein ham hun ke ziya tum ho

bikhre hue moti hain tuta hua rishta hai