درد سمجھے نہ کوئی درد کا درماں سمجھے

درد سمجھے نہ کوئی درد کا درماں سمجھے

لوگ وحشت کو علاج غم دوراں سمجھے

دل پہ کیا گزری اچانک ترے آ جانے سے

اس نزاکت کو بھلا کیا کوئی مہماں سمجھے

عرش و کرسی سے پرے رکھتے ہیں جو لانگہہ فکر

منظر دہر کو ہم روزن زنداں سمجھے

وہ بھڑکتے ہوئے شعلے تھے نشیمن کے مرے

دور سے آپ جنہیں سرو چراغاں سمجھے

یوں بھی حالات سے سمجھوتہ کیا ہے اکثر

دشمن جاں کو بھی ہم اپنا نگہباں سمجھے

dard samjhe na koi dard ka darman samjhe

log wahshat ko ilaj-e-gham-e-dauran samjhe

dil pe kya guzri achanak tire a jane se

is nazakat ko bhala kya koi mehman samjhe

arsh-o-kursi se pare rakhte hain jo langah fikr

manzar-e-dahr ko ham rauzan-e-zindan samjhe

wo bharakte hue shole the nasheman ke mire

dur se ap jinhen sarw-e-charaghan samjhe

yun bhi halat se samjhotah kya hai aksar

dushman-e-jan ko bhi ham apna nigahban samjhe