آؤ تقدیر کو تدبیر بنا کر دیکھیں

آؤ تقدیر کو تدبیر بنا کر دیکھیں

ان اندھیروں کو اجالوں سے ملا کر دیکھیں

آج ظالم کو بھی مجبور بنا کر دیکھیں

حشر سے پہلے ہی اک حشر اٹھا کر دیکھیں

ان بتوں سے تو کوئی کام نہ نکلا اپنا

خیر اب یوں ہی سہی یاد خدا کر دیکھیں

چاند تاروں میں جو آباد ہوئے جاتے ہیں

وہ کسی دل میں بھی گھر اپنا بنا کر دیکھیں

کون اپنا ہے یہاں کون ہے بیگانہ ضیاؔ

دھجیاں ہم بھی تو دامن کی اڑا کر دیکھیں

ao taqdir ko tadbir bana kar dekhen

in andheron ko ujalon se mila kar dekhen

aj zalim ko bhi majbur bana kar dekhen

hashr se pahle hi ik hashr utha kar dekhen

un buton se to koi kam na nikla apna

khair ab yun hi sahi yad-e-khuda kar dekhen

chand taron mein jo abad hue jate hain

wo kisi dil mein bhi ghar apna bana kar dekhen

kaun apna hai yahan kaun hai begana ziya

dhajjiyan ham bhi to daman ki ura kar dekhen