نہ پوچھو وجہ میری چشم تر کی

نہ پوچھو وجہ میری چشم تر کی

میاں پھر گر گئی دیوار گھر کی

یہ مانا دھل گیا سورج سروں سے

مرے آنگن کی دھوپ اب تک نہ سر کی

جبیں تر خشک لب تلووں میں چھالے

یہی روداد ہے اپنے سفر کی

بدی نیکی اضافی مسئلے ہیں

حکومت ہے دلوں پر صرف ڈر کی

گمانوں کا مقدر ہے بھٹکتا

یقیں نے ہر مہم دنیا کی سر کی

نہ سایا ہے نہ شاخوں میں ثمر ہیں

ضرورت کیا ہے اب سوکھے شجر کی

جھلستی دھوپ بارش سرد راتیں

بہ ہر صورت ضیاؔ ہم نے بسر کی

na puchho wajh meri chashm-e-tar ki

miyan phir gir gai diwar ghar ki

ye mana dhul gaya suraj saron se

mire angan ki dhup ab tak na sar ki

jabin tar khushk lab talwon mein chhale

yahi rudad hai apne safar ki

badi neki izafi masale hain

hukumat hai dilon par sirf dar ki

gumanon ka muqaddar hai bhatakta

yaqin ne har muhim duniya ki sar ki

na saya hai na shakhon mein samar hain

zarurat kya hai ab sukhe shajar ki

jhulasti dhup barish sard raten

ba har surat ziya ham ne basar ki