ہجوم یاس میں جینا بھی اک عذاب ہوا

ہجوم یاس میں جینا بھی اک عذاب ہوا

یہی ہوا کہ محبت میں دل خراب ہوا

چھپا ہوا ہے جو چہرہ حیا کے دامن میں

نہ کوئی آئینہ اس حسن کا جواب ہوا

بہم الجھتے رہے شیخ و برہمن اب تک

جو ہم اٹھے تو زمانے میں انقلاب ہوا

تمہارے حکم پہ ہستی مٹا چکے ہم تو

مگر ہماری وفاؤں کا کیا جواب ہوا

مری نوا سے لرزنے لگا نظام کہن

مرا پیام ضیاؔ وجہ انقلاب ہوا

hujum-e-yas mein jina bhi ik azab hua

yahi hua ke mohabbat mein dil kharab hua

chhupa hua hai jo chehra haya ke daman mein

na koi aina us husn ka jawab hua

baham ulajhte rahe shaikh-o-barahman ab tak

jo ham uthe to zamane mein inqilab hua

tumhare hukm pe hasti mita chuke ham to

magar hamari wafaon ka kya jawab hua

miri nawa se larazne laga nizam-e-kuhan

mira payam ziya wajh-e-inqilab hua