نکہت و رنگ نہ موسم کی ہوا ٹھہری ہے

نکہت و رنگ نہ موسم کی ہوا ٹھہری ہے

گل کی قسمت میں بہ ہر حال فنا ٹھہری ہے

زخم دل کھل اٹھے ہنستے ہوئے پھولوں کی طرح

ایک لمحے کو جہاں باد صبا ٹھہری ہے

موت کو کہئے علاج غم ہستی لیکن

زندگی کون سے جرموں کی سزا ٹھہری ہے

اور منصور کوئی مشہد ہستی میں نہ تھا

لائق دار جو اک میری انا ٹھہری ہے

حسن مختار ہے ہر بات روا ہے اس کو

فطرت عشق تو پابند وفا ٹھہری ہے

کوئی نغمہ کوئی جھنکار کوئی ہوش ربا

دل ہی بہلا لیں طبیعت جو ذرا ٹھہری ہے

nikhat-o-rang na mausam ki hawa thahri hai

gul ki qismat mein ba har hal-e-fana thahri hai

zakhm-e-dil khul uthe hanste hue phulon ki tarah

ek lamhe ko jahan bad-e-saba thahri hai

maut ko kahiye ilaj-e-gham-e-hasti lekin

zindagi kaun se jurmon ki saza thahri hai

aur mansur koi mashhad-e-hasti mein na tha

laiq-e-dar jo ik meri ana thahri hai

husn-e-mukhtar hai har bat rawa hai us ko

fitrat-e-ishq to paband-e-wafa thahri hai

koi naghma koi jhankar koi hosh ruba

dil hi bahla len tabiat jo zara thahri hai