رنج نا آسودگی کرب ہنر دیکھے گا کون

رنج نا آسودگی کرب ہنر دیکھے گا کون

نقش فریادی ہے کس کا دیدہ ور دیکھے گا کون

جنبش لب ہی سے کھل جائے گا معنی کا بھرم

اس کے حرف نا شنیدہ کا اثر دیکھے گا کون

اپنی دنیا تک رکھو محدود پروازیں ابھی

نیلگوں پہنائیوں میں بال و پر دیکھے گا کون

اپنے کمرے کا کوئی گلدان خالی کیوں رہے

پھول کاغذ کے سجا لو سونگھ کر دیکھے گا کون

اک کھلونا توڑ کر چلتی بنی پاگل ہوا

اب یہ ریزہ ریزہ پیکر جوڑ کر دیکھے گا کون

کتنی تہذیبوں کا مدفن ہے ہماری زندگی

جگمگائے شہر میں لیکن کھنڈر دیکھے گا کون

ranj na asudgi karb-e-hunar dekhega kaun

naqsh fariyadi hai kis ka dida war dekhega kaun

jumbish-e-lab hi se khul jaega maani ka bharam

us ke harf na shunida ka asar dekhega kaun

apni duniya tak rakho mahdud parwazen abhi

nilgun pahnaiyon mein bal-o-par dekhega kaun

apne kamre ka koi guldan khali kyun rahe

phul kaghaz ke saja lo sungh kar dekhega kaun

ik khilauna tor kar chalti bani pagal hua

ab ye reza reza paikar jor kar dekhega kaun

kitni tahzibon ka madfan hai hamari zindagi

jagmagae shahr mein lekin khandar dekhega kaun