جو سمجھنا چاہیے تھا وہ کہاں سمجھا تھا میں

جو سمجھنا چاہیے تھا وہ کہاں سمجھا تھا میں

اس جہان رنگ و بو کو خاکداں سمجھا تھا میں

وقت کی ٹھوکر نے ظاہر کر دئے جوہر مرے

زندگی کو اپنی سنگ رائیگاں سمجھا تھا میں

اس نے بھر دی جان و دل میں اک نئی تابندگی

جس نگاہ گرم کو برق تپاں سمجھا تھا میں

اپنی ہی کوتاہ دستی کا نکل آیا قصور

کل جسے بے مہرئی پیر مغاں سمجھا تھا میں

jo samajhna chahiye tha wo kahan samjha tha main

is jahan-e-rang-o-bu ko khakdan samjha tha main

waqt ki thokar ne zahir kar diye jauhar mire

zindagi ko apni sang raigan samjha tha main

us ne bhar di jan-o-dil mein ik nai tabindagi

jis nigah-e-garm ko barq-e-tapan samjha tha main

apni hi kotah dasti ka nikal aya qusur

kal jise be mahri pir-e-mughan samjha tha main