فرق تجھ سے ہے اک ذرا مجھ میں

فرق تجھ سے ہے اک ذرا مجھ میں

سنگ تجھ میں ہے آئنہ مجھ میں

بے بسی کی فقط کتاب نہیں

عزم محکم بھی ہے لکھا مجھ میں

فہم و دانش کا نور ہوں یکسر

فکر کا جلتا ہے دیا مجھ میں

مہر و ایثار کا سمندر ہوں

اور دریا ہے پیار کا مجھ میں

مجھ میں جھرنا ہے نرم خوئی کا

ساتھ لاوا بھی ہے چھپا مجھ میں

میرے قدموں تلے ہے جنت بھی

اور دوزخ کا راستہ مجھ میں

میرے ہر غم کا تو مسیحا ہے

تیرے ہر دکھ کی ہے دوا مجھ میں

سب رویے پہ تیرے ہے موقوف

خار اگا دے یا گل کھلا مجھ میں

farq tujh se hai ik zara mujh mein

sang tujh mein hai aina mujh mein

be basi ki faqat kitab nahin

azm-e-mohkam bhi hai likha mujh mein

fahm-o-danish ka nur hun yaksar

fikr ka jalta hai diya mujh mein

mehr-o-isar ka samundar hun

aur dariya hai pyar ka mujh mein

mujh mein jharna hai narm khui ka

sath lawa bhi hai chhupa mujh mein

mere qadmon tale hai jannat bhi

aur dozakh ka rasta mujh mein

mere har gham ka to masiha hai

tere har dukh ki hai dawa mujh mein

sab rawayye pe tere hai mauquf

khar uga de ya gul khula mujh mein