کوئی خدشہ ہے نہ طوفان بلا کچھ بھی نہیں

کوئی خدشہ ہے نہ طوفان بلا کچھ بھی نہیں

اب نہ غمزہ ہے نہ انداز و ادا کچھ بھی نہیں

عشق کہتے ہیں کسے حسن ہے کیا کچھ بھی نہیں

میری آنکھیں تری صورت کے سوا کچھ بھی نہیں

کب سے ویران پڑی ہے مرے دل کی دنیا

کوئی نغمہ کسی پائل کی صدا کچھ بھی نہیں

زہر سے کم نہیں یہ ساغر مے میرے لئے

تو نہیں ہے تو یہ موسم یہ فضا کچھ بھی نہیں

تیرے چہرے پہ قیامت ہے حیا کی سرخی

رنگ گل رنگ شفق رنگ حنا کچھ بھی نہیں

koi khadsha hai na tufan-e-bala kuchh bhi nahin

ab na ghamza hai na andaz-o-ada kuchh bhi nahin

ishq kahte hain kise husn hai kya kuchh bhi nahin

meri ankhen tiri surat ke siwa kuchh bhi nahin

kab se wiran pari hai mire dil ki duniya

koi naghma kisi pail ki sada kuchh bhi nahin

zahr se kam nahin ye saghar-e-mai mere liye

to nahin hai to ye mausam ye faza kuchh bhi nahin

tere chehre pe qayamat hai haya ki surkhi

rang-e-gul rang-e-shafaq rang-e-hina kuchh bhi nahin