Arooz is now on the App Store, for iPhone and iPad. Download →

All poetry

اتنا ہے زندگی کا تعلق خوشی کے ساتھ

Bakhtiyar Ziya (1922–1984)

اتنا ہے زندگی کا تعلق خوشی کے ساتھ

ایک اجنبی ہو جیسے کسی اجنبی کے ساتھ

سورج افق تک آتے ہی گہنا گیا یہاں

کچھ تیرگی بھی بڑھتی رہی روشنی کے ساتھ

حکام کا سلوک وہی ہے عوام سے

ابن زیاد کا تھا جو ابن علی کے ساتھ

اللہ رے تغافل چارہ گران وقت

سنتے ہیں دل کی بات مگر بے دلی کے ساتھ

طبقوں میں رنگ و نسل کے الجھا کے رکھ دیا

یہ ظلم آدمی نے کیا آدمی کے ساتھ