آنسوؤں کو روشنائی کر رہا ہوں

آنسوؤں کو روشنائی کر رہا ہوں

اس زمانہ سے لڑائی کر رہا ہوں

کوئی چارہ گر نہیں ہے آج میرا

ہر مرض کی خود دوائی کر رہا ہوں

ایک ننھے سے دیے کی روشنی لے

میں اندھیروں سے لڑائی کر رہا ہوں

میں برائی کر رہا ہوں آپ کی یا

میں ہی خود اپنی برائی کر رہا ہوں

کل سے بوؤں گا سنہرے خواب ان میں

آج آنکھوں کی صفائی کر رہا ہوں

ansuon ko raushnai kar raha hun

is zamana se larai kar raha hun

koi chara gar nahin hai aj mera

har maraz ki khud dawai kar raha hun

ek nanhe se diye ki raushni le

main andheron se larai kar raha hun

main burai kar raha hun ap ki ya

main hi khud apni burai kar raha hun

kal se bounga sunahre khwab un mein

aj ankhon ki safai kar raha hun