کوئی سمجھتا ہے سارے کہاں سمجھتے ہیں

کوئی سمجھتا ہے سارے کہاں سمجھتے ہیں

تمام لوگ اشارے کہاں سمجھتے ہیں

کسی کے عشق میں بہتی ندی کی مجبوری

شدید پیاس کے مارے کہاں سمجھتے ہیں

نہ جانے کون سا لمحہ زمیں پہ لے آئے

فلک پہ جھومتے تارے کہاں سمجھتے ہیں

بس اتنا سوچ کے کشتی میں بھر لیا پانی

ندی کا درد کنارے کہاں سمجھتے ہیں

سلگتے صحرا میں بھٹکا ہوا مسافر ہوں

مجھے چمن کے نظارے کہاں سمجھتے ہیں

ہم ایسے لوگوں سے پوچھو مقام کی قیمت

جنہیں ملے ہوں سہارے کہاں سمجھتے ہیں

koi samajhta hai sare kahan samajhte hain

tamam log ishare kahan samajhte hain

kisi ke ishq mein bahti nadi ki majburi

shadid pyas ke mare kahan samajhte hain

na jane kaun sa lamha zamin pe le ae

falak pe jhumte tare kahan samajhte hain

bas itna soch ke kashti mein bhar liya pani

nadi ka dard kinare kahan samajhte hain

sulagte sahra mein bhatka hua musafir hun

mujhe chaman ke nazare kahan samajhte hain

ham aise logon se puchho maqam ki qimat

jinhen mile hun sahare kahan samajhte hain