مشکل کو اس نے سب کی آسان کر دیا ہے

مشکل کو اس نے سب کی آسان کر دیا ہے

موجودگی کا اپنی اعلان کر دیا ہے

بیٹھے ہوئے ہیں پتھر شیشوں کا جسم پہنے

محفل نے تیری سب کو حیران کر دیا ہے

اتنی جگہ کہاں تھی رکھ پائیں ساری دنیا

کچھ اس لیے بھی دل کو ویران کر دیا ہے

حیران ہیں ہوائیں موسم بھی ہے پریشاں

جھونکے کو اس نے کیسے طوفان کر دیا ہے

میں چاہ کے بھی اس کو شاید نہ بھول پاتا

اے وقت تو نے مجھ پر احسان کر دیا ہے

mushkil ko us ne sab ki asan kar diya hai

maujudgi ka apni elan kar diya hai

baithe hue hain patthar shishon ka jism pahne

mahfil ne teri sab ko hairan kar diya hai

itni jagah kahan thi rakh paen sari duniya

kuchh is liye bhi dil ko wiran kar diya hai

hairan hain hawaen mausam bhi hai pareshan

jhonke ko us ne kaise tufan kar diya hai

main chah ke bhi us ko shayad na bhul pata

ai waqt tu ne mujh par ehsan kar diya hai