ان میں پوشیدہ ہیں حکمت کے خزانے کیا کیا

ان میں پوشیدہ ہیں حکمت کے خزانے کیا کیا

کہہ گئے بات پتے کی ہیں سیانے کیا کیا

منہ کے بل آ گرے وہ جن کا ہوا پر تھا دماغ

وقت نے تاک کے سادھے ہیں نشانے کیا کیا

گھر پہنچنے میں ذرا دیر ہوئی بچوں کو

ہم نے بھی سوچ لیا اتنے میں جانے کیا کیا

کبھی افسانے کو پہناتے ہیں سچ کا جامہ

کبھی سچائی کے بنتے ہیں فسانے کیا کیا

نہ ملے عیب تو ترپائی ادھیڑو ساری

نکتہ چینی کو تبسمؔ ہیں بہانے کیا کیا

un mein poshida hain hikmat ke khazane kya kiya

kah gae bat patte ki hain siyane kya kiya

munh ke bal a gire wo jin ka hawa par tha dimagh

waqt ne tak ke sadhe hain nishane kya kiya

ghar pahunchne mein zara der hui bachchon ko

ham ne bhi soch liya itne mein jane kya kiya

kabhi afsane ko pahnate hain sach ka jama

kabhi sachchai ke bante hain fasane kya kiya

na mile aib to turpai udhero sari

nukta chini ko tabassum hain bahane kya kiya