گناہ اپنے گناتا ہوں ڈرنے لگتا ہوں

گناہ اپنے گناتا ہوں ڈرنے لگتا ہوں

خدا کے سامنے جاتا ہوں ڈرنے لگتا ہوں

کچھ اتنا خوفزدہ ہوں میں اپنے کمرے میں

کوئی چراغ جلاتا ہوں ڈرنے لگتا ہوں

اب اس مقام پہ پہنچی ہے میری تنہائی

قریب خود کے بھی جاتا ہوں ڈرنے لگتا ہوں

قریب دیکھ کے مجھ کو لپٹ نہ جائے کہیں

میں اس کی بزم میں جاتا ہوں ڈرنے لگتا ہوں

کہیں وہ جان نہ لے میرے دل کی حالت کو

کسی کو شعر سناتا ہوں ڈرنے لگتا ہوں

gunah apne ginata hun darne lagta hun

khuda ke samne jata hun darne lagta hun

kuchh itna khaufzada hun main apne kamre mein

koi charagh jalata hun darne lagta hun

ab us maqam pe pahunchi hai meri tanhai

qarib khud ke bhi jata hun darne lagta hun

qarib dekh ke mujh ko lipat na jae kahin

main us ki bazm mein jata hun darne lagta hun

kahin wo jan na le mere dil ki halat ko

kisi ko sher sunata hun darne lagta hun