باتوں باتوں میں بڑے ہی پیار سے چھڑکا نمک

باتوں باتوں میں بڑے ہی پیار سے چھڑکا نمک

زخم دشمن کی عطا احباب کا تحفہ نمک

موسم غم میں سدا ہوتا رہا پیدا نمک

جزر و مد دل میں اٹھے اور آنکھ سے برسا نمک

ضبط جب بھی ٹوٹنے کی حد تلک بڑھنے لگا

حلق میں گولے کی صورت بارہا اٹکا نمک

بھول بیٹھے ہیں نمک کا پاس رکھنا لوگ اب

جس طرف بھی دیکھیے ہے اس طرف بکھرا نمک

ہم نہ کہتے تھے منافق سے نہ کریے دوستی

کر دیا آخر کو اس نے آپ کا رسوا نمک

خود پہ جب بیتی تو غالبؔ کا کہا یاد آ گیا

زخم سے گرتا تو میں پلکوں سے چنتا تھا نمک

baton baton mein bare hi pyar se chhirka namak

zakhm dushman ki ata ahbab ka tohfa namak

mausam-e-gham mein sada hota raha paida namak

jazr-o-mad dil mein uthe aur ankh se barsa namak

zabt jab bhi tutne ki had talak barhne laga

halq mein gole ki surat barha atka namak

bhul baithe hain namak ka pas rakhna log ab

jis taraf bhi dekhiye hai is taraf bikhra namak

ham na kahte the munafiq se na kariye dosti

kar diya akhir ko us ne ap ka ruswa namak

khud pe jab biti to ghalib ka kaha yad a gaya

zakhm se girta to main palkon se chunta tha namak