اے خدا کیسا سماں آیا ہے

اے خدا کیسا سماں آیا ہے

شہر میں ہر سو دھواں چھایا ہے

لٹ گئی خلق خدا کی حسرت

عہد نو ایسا زیاں لایا ہے

ہجر کے دشت میں یکسر میں نے

غم کے دریا کو رواں پایا ہے

صرف مجھ کو نہیں دولت کی طلب

سب کو درکار یہاں مایا ہے

بڑی مشکل سے جہاں کو شوقیؔ

میرا انداز بیاں بھایا ہے

ai khuda kaisa saman aya hai

shahr mein har su dhuan chhaya hai

lut gai khalq-e-khuda ki hasrat

ahd-e-nau aisa ziyan laya hai

hijr ke dasht mein yaksar main ne

gham ke dariya ko rawan paya hai

sirf mujh ko nahin daulat ki talab

sab ko darkar yahan maya hai

bari mushkil se jahan ko shauqi

mera andaz-e-bayan bhaya hai