ڈوبتے ڈوبتے سورج نے ضیائیں دیں ہیں

ڈوبتے ڈوبتے سورج نے ضیائیں دیں ہیں

تیری یادوں نے بہت دل کو صدائیں دیں ہیں

یہ عدالت کسی تحریر کی محتاج نہیں

وقت نے ہر کس و ناکس کو سزائیں دیں ہیں

زندگی تجھ کو برہنہ نہیں رکھا ہے کبھی

ہم نے ہر درد کو لفظوں کی قبائیں دیں ہیں

صرف فیاضی کے قصے نہ مؤرخ لکھنا

بجھتے شعلوں کو بھی تو اس نے ہوائیں دیں ہیں

شاعری یوں ہی نہیں پختہ مری اے شوقیؔ

میرے استاد نے کچھ ایسی دعائیں دیں ہیں

dubte dubte suraj ne ziyaen den hain

teri yadon ne bahut dil ko sadaen den hain

ye adalat kisi tahrir ki mohtaj nahin

waqt ne har kis-o-nakas ko sazaen den hain

zindagi tujh ko barahna nahin rakha hai kabhi

ham ne har dard ko lafzon ki qabaen den hain

sirf fayyazi ke qisse na muarrikh likhna

bujhte sholon ko bhi to us ne hawaen den hain

shayari yun hi nahin pukhta miri ai shauqi

mere ustad ne kuchh aisi duaen den hain