نصیب میں ہے جدائی تو رونا دھونا کیا

نصیب میں ہے جدائی تو رونا دھونا کیا

ہے ساری چیز پرائی تو رونا دھونا کیا

یہاں تو اپنے ہی اپنوں کو مار دیتے ہیں

ہوا نے شمع بجھائی تو رونا دھونا کیا

اسی نے ہاتھ بڑھایا تھا دوستی کے لئے

اسی نے بات بڑھائی تو رونا دھونا کیا

مرے عزیز ہی جب میرے منحرف نکلے

ہوئی خلاف خدائی تو رونا دھونا کیا

ہزار سال کے جب بوڑھے مر گئے شوقیؔ

کمائی چیز گنوائی تو رونا دھونا کیا

nasib mein hai judai to rona dhona kiya

hai sari chiz parai to rona dhona kiya

yahan to apne hi apnon ko mar dete hain

hawa ne shama bujhai to rona dhona kiya

usi ne hath barhaya tha dosti ke liye

usi ne bat barhai to rona dhona kiya

mire aziz hi jab mere munharif nikle

hui khilaf khudai to rona dhona kiya

hazar sal ke jab burhe mar gae shauqi

kamai chiz ganwai to rona dhona kiya