اے خدا حسرت و جذبات کے مارے ہوئے لوگ
Aamir Shauqi (b. 1997)اے خدا حسرت و جذبات کے مارے ہوئے لوگ
اب کہاں جائیں یہ حالات کے مارے ہوئے لوگ
تیری دنیا کی کہانی بھی عجب ہے مولا
در بدر رہتے ہیں حق بات کے مارے ہوئے لوگ
صبح نو کے لئے زنبیل طلب لائے ہیں
دشت ویراں میں سیہ رات کے مارے ہوئے لوگ
تو بھی آرام ذرا کر لے غبار منزل
ابھی سوئے ہیں مسافات کے مارے ہوئے لوگ
ہو کے مایوس پری خانے سے لوٹے شوقیؔ
جانے کیوں شوخ اشارات کے مارے ہوئے لوگ
ai khuda hasrat-o-jazbat ke mare hue log
ab kahan jaen ye halat ke mare hue log
teri duniya ki kahani bhi ajab hai maula
dar badar rahte hain haq bat ke mare hue log
subh-e-nau ke liye zambil talab lae hain
dasht-e-wiran mein siyah rat ke mare hue log
tu bhi aram zara kar le ghubar-e-manzil
abhi soe hain masafat ke mare hue log
ho ke mayus pari khane se laute shauqi
jane kyun shokh isharat ke mare hue log