کچھ ایک پل جو بھلائے ہوئے سے لگتے ہیں

کچھ ایک پل جو بھلائے ہوئے سے لگتے ہیں

نظر میں اب بھی سمائے ہوئے سے لگتے ہیں

یہ انتظار کے لمحوں کا ہے عجیب فریب

وہ آ رہے ہیں وہ آئے ہوئے سے لگتے ہیں

ہوئی ہے یوں تو بہت ان میں رنگ آمیزی

مگر یہ قصے سنائے ہوئے سے لگتے ہیں

ہر ایک بات میں گھولا ہے اس نے رس لیکن

تمام لفظ چبائے ہوئے سے لگتے ہیں

بہ وقت شام وہ جاگے ہیں ہاتھ ملتے ہوئے

اثاثہ سارا گنوائے ہوئے سے لگتے ہیں

یوں اوڑھے پھرتے ہیں مظلومیت کا دوشالہ

زمانے بھر کے ستائے ہوئے سے لگتے ہیں

ٹپک رہی ہے تبسمؔ سے ان کے بے زاری

جلے بھنے ہیں جلائے ہوئے سے لگتے ہیں

kuchh ek pal jo bhulae hue se lagte hain

nazar mein ab bhi samae hue se lagte hain

ye intizar ke lamhon ka hai ajib fareb

wo a rahe hain wo ae hue se lagte hain

hui hai yun to bahut un mein rang amezi

magar ye qisse sunae hue se lagte hain

har ek bat mein ghola hai us ne ras lekin

tamam lafz chabae hue se lagte hain

ba waqt-e-sham wo jage hain hath milte hue

asasa sara ganwae hue se lagte hain

yun orhe phirte hain mazlumiyyat ka doshala

zamane bhar ke satae hue se lagte hain

tapak rahi hai tabassum se un ke be zari

jale bhune hain jalae hue se lagte hain