لگا ہے روگ کوئی تو جڑوں میں

لگا ہے روگ کوئی تو جڑوں میں

اداسی کیوں ہے ورنہ ٹہنیوں میں

بھلے ہی برف کی چادر اڑھا دو

جلن پھر بھی رہے گی آبلوں میں

ہوس کی انگلیوں پر آ گئے ہیں

تھے جتنے رنگ تتلی کے پروں میں

بہت نقصان کر دیتا ہے پانی

ٹھہر جائے اگر کچے گھروں میں

تسلی مل گئی پیاسی زمیں کو

ہوا ٹکراؤ جب بھی بادلوں میں

ترے نقش قدم کو چھوڑ کر ہم

الجھ کر رہ گئے ہیں راستوں میں

laga hai rog koi to jaron mein

udasi kyun hai warna tahniyon mein

bhale hi barf ki chadar urha do

jalan phir bhi rahegi ablon mein

hawas ki ungliyon par a gae hain

the jitne rang titli ke paron mein

bahut nuqsan kar deta hai pani

thahar jae agar kachche gharon mein

tasalli mil gai pyasi zamin ko

hawa takrao jab bhi badalon mein

tire naqsh-e-qadam ko chhor kar ham

ulajh kar rah gae hain raston mein