سمجھ رہے تھے کہ بادل ہیں سر پہ چھائے ہوئے

سمجھ رہے تھے کہ بادل ہیں سر پہ چھائے ہوئے

مگر غبار پہ نظریں تھے ہم جمائے ہوئے

تمام رات الاؤ پہ کاٹنے کے لئے

سنے گئے کئی قصے سنے سنائے ہوئے

جھلس رہا ہے بدن دھوپ کی تمازت سے

امید سوکھے درختوں سے ہیں لگائے ہوئے

ادا نہ کر سکے ہم قرض تیری چاہت کا

تری گلی سے گزرتے ہیں سر جھکائے ہوئے

وہ جن کی خون پسینے سے آبیاری کی

انہیں درختوں کے حاصل ہمیں نہ سائے ہوئے

وہ کیا سمجھتے اجالوں کی اہمیت اے چاندؔ

جنہیں چراغ ملے تھے جلے جلائے ہوئے

samajh rahe the ke badal hain sar pe chhae hue

magar ghubar pe nazren the ham jamae hue

tamam rat alao pe katne ke liye

sune gae kai qisse sune sunae hue

jhulas raha hai badan dhup ki tamazat se

umid sukhe darakhton se hain lagae hue

ada na kar sake ham qarz teri chahat ka

tiri gali se guzarte hain sar jhukae hue

wo jin ki khun pasine se abiyari ki

unhen darakhton ke hasil hamen na sae hue

wo kya samajhte ujalon ki ahmiyat ai chand

jinhen charagh mile the jale jalae hue