ہم نے تو اس سے بھی نبھا لی ہے

ہم نے تو اس سے بھی نبھا لی ہے

دل محبت سے جس کا خالی ہے

اب تو آ جا اے دھوپ کھڑکی پر

برف آنکھوں میں جمنے والی ہے

چھاؤں بھی اب سکوں نہیں دیتی

جسم نے اتنی دھوپ کھا لی ہے

کچھ بنانے کی پھر ضرورت کیا

اس کی تصویر جب بنا لی ہے

ختم جھگڑا نہیں ہوا گھر کا

جب کہ دیوار بھی اٹھا لی ہے

جس پہ چاہت کے پھول کھلتے تھے

تم نے وہ شاخ کاٹ ڈالی ہے

ham ne to us se bhi nibha li hai

dil mohabbat se jis ka khali hai

ab to a ja ai dhup khirki par

barf ankhon mein jamne wali hai

chhaon bhi ab sakun nahin deti

jism ne itni dhup kha li hai

kuchh banane ki phir zarurat kya

us ki taswir jab bana li hai

khatm jhagra nahin hua ghar ka

jab ke diwar bhi utha li hai

jis pe chahat ke phul khulte the

tum ne wo shakh kat dali hai