نیاز عشق کا ناموس لٹوانا بھی آتا ہے

نیاز عشق کا ناموس لٹوانا بھی آتا ہے

جو ابن الوقت ہیں ان کو بدل جانا بھی آتا ہے

جو کی ہے دوستی سورج سے تو محتاط بھی رہئے

ملائم دھوپ کو گلزار جھلسانا بھی آتا ہے

ذرا سی ٹھیس پر مانا بکھر جاتے ہیں ہم لیکن

ہمیں ریزوں کو چن چن کر سنور جانا بھی آتا ہے

سر تسلیم خم رکھتے ہیں یہ تہذیب ہے اپنی

اگر فرمان بے جا ہو تو ٹھکرانا بھی آتا ہے

بیابانوں کہستانوں میں بھٹکے لاکھ یہ لیکن

دل ناشاد کو گھر لوٹ کے آنا بھی آتا ہے

niyaz-e-ishq ka namus lutwana bhi ata hai

jo ibn-e-alwaqt hain un ko badal jana bhi ata hai

jo ki hai dosti suraj se to mohtat bhi rahiye

mulaim dhup ko gulzar jhulsana bhi ata hai

zara si thes par mana bikhar jate hain ham lekin

hamen rezon ko chun chun kar sanwar jana bhi ata hai

sar-e-taslim kham rakhte hain ye tahzib hai apni

agar farman be ja ho to thukrana bhi ata hai

bayabanon kuhistanon mein bhatke lakh ye lekin

dil-e-nashad ko ghar laut ke ana bhi ata hai