پہلے تو اپنے آپ کو تجھ سا کرے کوئی

پہلے تو اپنے آپ کو تجھ سا کرے کوئی

پھر مجھ سے دوستی کا ارادہ کرے کوئی

حرکت دل و دماغ میں پیدا کرے کوئی

جو قوم مر چکی اسے زندہ کرے کوئی

سورج کے ساتھ ساتھ بدلتی ہیں اپنا رخ

پرچھائیوں پہ کیسے بھروسا کرے کوئی

خوشبو کی طرح بکھرا ہوا ہے فضاؤں میں

کیسے ترے وجود کو یکجا کرے کوئی

یہ بلب یہ چراغ مرے کام کے نہیں

کمرے میں مسکرا کے اجالا کرے کوئی

دل کا معاملہ تو ہے دل کا معاملہ

کب تک خود اپنے آپ سے جھگڑا کرے کوئی

بنیاد ہی کھسکنے لگے جب مکان کی

دیوار و در پہ کیسے بھروسا کرے کوئی

مجھ خاکسار کا بھلا ایسا کہاں نصیب

دو چار دن جو میری تمنا کرے کوئی

اے چاندؔ یہ عجوبہ تو ہونے سے اب رہا

آ کر ہمیں سمیٹے اکٹھا کرے کوئی

pahle to apne ap ko tujh sa kare koi

phir mujh se dosti ka irada kare koi

harkat dil-o-dimagh mein paida kare koi

jo qaum mar chuki use zinda kare koi

suraj ke sath sath badalti hain apna rukh

parchhaiyon pe kaise bharosa kare koi

khushbu ki tarah bikhra hua hai fazaon mein

kaise tire wajud ko yakja kare koi

ye balb ye charagh mire kam ke nahin

kamre mein muskura ke ujala kare koi

dil ka muamla to hai dil ka muamla

kab tak khud apne ap se jhagra kare koi

buniyad hi khisakne lage jab makan ki

diwar-o-dar pe kaise bharosa kare koi

mujh khaksar ka bhala aisa kahan nasib

do char din jo meri tamanna kare koi

ai chand ye ajuba to hone se ab raha

a kar hamen samete ikattha kare koi