ہاتھ پہنچے بھی نہ تھے مہتاب تک

ہاتھ پہنچے بھی نہ تھے مہتاب تک

ہو گئے مٹی سنہرے خواب تک

چال تو دریا کی ہم نے روک دی

آ گئی نوبت مگر سیلاب تک

بادلوں کی مہربانی ہو گئی

ورنہ کیا آتی ندی تالاب تک

اس زمیں کی آبیاری کیسے ہو

کم ہے جس کی پیاس کو سیلاب تک

دکھ تو یہ ہے کوڑیوں میں بک گئے

کچھ گھروں کے گوہر نایاب تک

خیر ہو مولا سیاست آ گئی

مسجدوں کے منبر و محراب تک

حوصلہ تنکے کا وہ بھی دیکھ لے

لے چلو موجو مجھے گرداب تک

hath pahunche bhi na the mahtab tak

ho gae mitti sunahre khwab tak

chal to dariya ki ham ne rok di

a gai naubat magar sailab tak

badalon ki mehrbani ho gai

warna kya ati nadi talab tak

is zamin ki abiyari kaise ho

kam hai jis ki pyas ko sailab tak

dukh to ye hai kauriyon mein bik gae

kuchh gharon ke gauhar-e-nayab tak

khair ho maula siyasat a gai

masjidon ke mimbar-o-mehrab tak

hausla tinke ka wo bhi dekh le

le chalo maujo mujhe girdab tak