یا ستم کر یا کرم چاہے سو کر

یا ستم کر یا کرم چاہے سو کر

چاہتے ہیں تجھ کو ہم چاہے سو کر

مار چاہے چھوڑ مجھ کو جیتے جی

میں نہ چھوڑوں گا قدم چاہے سو کر

بزم میں محروم مت رکھ دے مجھے

جام مے یا جام سم چاہے سو کر

کفر یا اسلام کچھ کر اختیار

ایک ہے دیر و حرم چاہے سو کر

مار کھاؤں گا پر آنے کی یہاں

میں نہ کھاؤں گا قسم چاہے سو کر

اب تو میں شکوہ کروں گا ہو سو ہو

ناک میں آیا ہے دم چاہے سو کر

اک غزل تو اور بھی بیصبرؔ تو

اس زمیں میں کر رقم چاہے سو کر

ya sitam kar ya karam chahe so kar

chahte hain tujh ko ham chahe so kar

mar chahe chhor mujh ko jite ji

main na chhorunga qadam chahe so kar

bazm mein mahrum mat rakh de mujhe

jam-e-mai ya jam sam chahe so kar

kufr ya islam kuchh kar ikhtiyar

ek hai dair-o-haram chahe so kar

mar khaunga par ane ki yahan

main na khaunga qasam chahe so kar

ab to main shikwa karunga ho so ho

nak mein aya hai dam chahe so kar

ik ghazal to aur bhi besabr to

is zamin mein kar raqam chahe so kar