خواب میں بھی نہ یہ خیال ہوا

خواب میں بھی نہ یہ خیال ہوا

کہ مرا یار سے وصال ہوا

ضعف سے اب یہ اپنا حال ہوا

کہ بیاں ضعف کا محال ہوا

مے کشی کو حرام کہتا ہے

خون زاہد ہمیں حلال ہوا

ہوں میں پامال مثل تازہ نہال

ہو کے پیدا میں کیا نہال ہوا

پاؤں پکڑا تھا بہر عذر گناہ

اس کو کچھ اور احتمال ہوا

khwab mein bhi na ye khayal hua

ke mira yar se wisal hua

zof se ab ye apna hal hua

ke bayan zof ka muhal hua

mai kashi ko haram kahta hai

khun zahid hamen halal hua

hun main pamal misl-e-taza nihal

ho ke paida mein kya nihal hua

paon pakra tha bahr-e-uzr-e-gunah

us ko kuchh aur ehtimal hua