انتہا ضعف کی ہے صاف نمایاں مجھ سے

انتہا ضعف کی ہے صاف نمایاں مجھ سے

رمق جاں میں مرا جسم ہے پنہاں مجھ سے

شور ہے وہ نہ وہاں اور نہ یہاں وہ سنسان

شہر ویران ہے آباد بیاباں مجھ سے

بسکہ مشکل کو سمجھ رکھا ہے میں نے آسان

مشکلیں کرتے ہیں حل اپنے خود آساں مجھ سے

دامن‌ دشت ہے اور پھر مرا پائے وحشت

پھر ہوا جوش جنوں دست و گریباں مجھ سے

شب تنہائی میں بیصبرؔ بقول غالبؔ

سایہ خورشید قیامت میں ہے پنہاں مجھ سے

intiha zof ki hai saf numayan mujh se

ramaq-e-jan mein mira jism hai pinhan mujh se

shor hai wo na wahan aur na yahan wo sunsan

shahr-e-wiran hai abad bayaban mujh se

baske mushkil ko samajh rakha hai main ne asan

mushkilen karte hain hal apne khud asan mujh se

daman-e-dasht hai aur phir mira pae wahshat

phir hua josh-e-junun dast-o-gareban mujh se

shab-e-tanhai mein besabr baqaul-e-ghalib

saya khurshid-e-qayamat mein hai pinhan mujh se