بہار آئے عنادل نے مل خروش کیا

بہار آئے عنادل نے مل خروش کیا

بدن میں خوں نے صراحی میں مے نے جوش کیا

زہے زہے میرے ایمان و دیں کہ میں نے انہیں

فدائے فرق خم و پائے مے فروش کیا

نقاب منہ سے اٹھا کر یہ کس نے دی آواز

کہ دفعتاً ہمہ تن مجھ کو چشم و گوش کیا

نکل گیا تھا لہو میرے تن کا رونے میں

رہا تھا جو کوئی قطرہ سو غم نے نوش کیا

کلام کیوں نہ ہو بیصبرؔ میرا مستانہ

کہ جام ہے خم حافظ سے میں نے نوش کیا

bahar ae anadil ne mil kharosh kiya

badan mein khun ne surahi mein mai ne josh kiya

zahe zahe mere iman-o-din ke main ne unhen

fida-e-farq kham-o-pae mai farosh kiya

naqab munh se utha kar ye kis ne di awaz

ke dafatan hama tan mujh ko chashm-o-gosh kiya

nikal gaya tha lahu mere tan ka rone mein

raha tha jo koi qatra so gham ne nosh kiya

kalam kyun na ho besabr mera mastana

ke jam hai kham hafiz se main ne nosh kiya