شہد میں ڈوبے ہوئے کڑوے کریلے مسترد

شہد میں ڈوبے ہوئے کڑوے کریلے مسترد

جو بھی کہیے صاف کہیے پیچ لچھے مسترد

چپے چپے پر اگائیں گے محبت کے گلاب

نفرتوں کے روڑے پتھر کیل کانٹے مسترد

دین بازی اور شے ہے دین داری اور چیز

دین کے جبے میں لپٹے ڈھونگ سارے مسترد

جن کی بنیادیں غرض کی ریت پر رکھی گئیں

اس طرح کے سب تعلق رشتے ناتے مسترد

چاپلوسی اور خوشامد سے عبارت جو بھی ہیں

صاف کہتی ہے تبسمؔ یہ شمارے مسترد

shahd mein dube hue karwe karele mustarad

jo bhi kahiye saf kahiye pech lachchhe mustarad

chape chape par ugaenge mohabbat ke gulab

nafraton ke rore patthar kil kante mustarad

din bazi aur shai hai din dari aur chiz

din ke jubbe mein lipte dhong sare mustarad

jin ki buniyaden gharaz ki ret par rakhi gain

is tarah ke sab taalluq rishte nate mustarad

chaplusi aur khushamad se ibarat jo bhi hain

saf kahti hai tabassum ye shumare mustarad