گر دوست بھی سو جفا کرے گا

گر دوست بھی سو جفا کرے گا

دشمن بیچارہ کیا کرے گا

جب بند قبا وہ وا کرے گا

گل چاک اپنی قبا کرے گا

کر کے کوئی چاہ کیا کرے گا

فریاد و فغاں کیا کرے گا

داغ اپنا چراغ خانۂ دل

تا صبح ابد جلا کرے گا

جز بے کسی اپنا اور ہے کون

جو دعویٰ خوں بہا کرے گا

سرگشتگی کی نہ راہ ہو طے

جب تک کہ نہ سر کو پا کرے گا

جب کٹ کے گرے گا اس کے پا پر

سر سجدۂ شکر ادا کرے گا

جب عمر ہی بے وفا ہے بیصبرؔ

پھر کون بھلا وفا کرے گا

gar dost bhi so jafa karega

dushman bechara kya karega

jab band-e-qaba wo wa karega

gul chak apni qaba karega

kar ke koi chah kya karega

fariyad-o-fughan kya karega

dagh apna charagh-e-khana-e-dil

ta subh abad jala karega

juz be kisi apna aur hai kaun

jo daawa khun baha karega

sargashtagi ki na rah ho tai

jab tak ke na sar ko pa karega

jab kat ke girega us ke pa par

sar sajda-e-shukr ada karega

jab umr hi be wafa hai besabr

phir kaun bhala wafa karega