آنکھوں میں اپنی اشک ندامت لئے ہوئے

آنکھوں میں اپنی اشک ندامت لئے ہوئے

ہم ہیں عجیب رنگ عبادت لئے ہوئے

دوزخ لئے ہوئے کہیں جنت لئے ہوئے

ہر چیز ہے وہ حسب ضرورت لئے ہوئے

شوق گناہ کم ہے نہ خوف خدا ہے کم

دونوں ہی چار دن کی ہیں مہلت لئے ہوئے

بیٹھو نہ یوں کہ پاؤں سے چھن جائے یہ زمیں

سر پر کھڑا ہے کوئی قیامت لئے ہوئے

افسوس سے غرض نہ کوئی خوف ہے اسے

وہ آدمی ہے کیسی کرامت لئے ہوئے

ہجرت کوئی دیار حقیقت سے کر گیا

خوابوں کے شہر میں ہے سکونت لئے ہوئے

میں چاہتا تھا اس کو اجازت نہ دوں مگر

وہ چل پڑا بغیر اجازت لئے ہوئے

ankhon main apni ashk-e-nadamat liye hue

ham hain ajib rang ibadat liye hue

dozakh liye hue kahin jannat liye hue

har chiz hai wo hasb-e-zarurat liye hue

shauq-e-gunah kam hai na khauf-e-khuda hai kam

donon hi char din ki hain mohlat liye hue

baitho na yun ke paon se chhin jae ye zamin

sar par khara hai koi qayamat liye hue

afsos se gharaz na koi khauf hai use

wo admi hai kaisi karamat liye hue

hijrat koi dayar-e-haqiqat se kar gaya

khwabon ke shahr mein hai sukunat liye hue

main chahta tha us ko ijazat na dun magar

wo chal para baghair ijazat liye hue