تمہاری زلف کا ہو کر اسیر زندہ ہے

تمہاری زلف کا ہو کر اسیر زندہ ہے

کسی طرح سے سہی یہ فقیر زندہ ہے

مکان ہستی کا فرد امیر زندہ ہے

میں زندہ ہوں ابھی میرا ضمیر زندہ ہے

ہماری خاک بس اپنی جگہ پہ ٹھہرے گی

چلے چلو کہ ابھی تو خمیر زندہ ہے

وہ پھول ہو گیا امن و امان کی خاطر

لڑو نہ شیخ و برہمن کبیر زندہ ہے

تڑپتی زندگی اخبار کے ورق بہ ورق

بتا رہی ہیں یہ خبریں مدیر زندہ ہے

بیان موت نے بخشی حیات کتنوں کو

انیسؔ باقی ہے اب تک دبیرؔ زندہ ہے

tumhari zulf ka ho kar asir-e-zinda hai

kisi tarah se sahi ye faqir zinda hai

makan hasti ka fard amir zinda hai

main zinda hun abhi mera zamir-e-zinda hai

hamari khak bas apni jagah pe thahregi

chale chalo ke abhi to khamir zinda hai

wo phul ho gaya amn-o-aman ki khatir

laro na shaikh-o-barahman kabir zinda hai

tarapti zindagi akhbar ke waraq ba waraq

bata rahi hain ye khabren mudir zinda hai

bayan maut ne bakhshi hayat kitnon ko

unnis baqi hai ab tak dabir zinda hai