عارض کی تاب سایۂ گیسو غزل میں ہے

عارض کی تاب سایۂ گیسو غزل میں ہے

یعنی کہ دھوپ چھاؤں کا جادو غزل میں ہے

بزم سخن نہ پوچھ معطر ہے کس لئے

گلہائے رنگا رنگ کی خوشبو غزل میں ہے

سکتہ قبول قافیہ پیمائی کو نہیں

بے وزن ہونا مت کہ ترازو غزل میں ہے

کرتا ہوں تیرے ذکر سے عرض اپنی بات میں

کب کوئی امتیاز من و تو غزل میں ہے

ہر اک غزل ہے میر تقی میرؔ عادتاً

ہو یا نہ ہو ہنسی مگر آنسو غزل میں ہے

کہئے تمام شاعری کی آبرو اسے

طرز بیاں کچھ اور ہی اردو غزل میں ہے

عورت سے گفتگو کو نہیں طول دیجئے

ایجاز و اختصار کا پہلو غزل میں ہے

ariz ki tab saya-e-gesu ghazal mein hai

yaani ke dhup chhaon ka jadu ghazal mein hai

bazm-e-sukhan na puchh muattar hai kis liye

gulhae ranga rang ki khushbu ghazal mein hai

sakta qubul qafiya paimai ko nahin

be wazn hona mat ke tarazu ghazal mein hai

karta hun tere zikr se arz apni bat mein

kab koi imtiyaz-e-man-o-to ghazal mein hai

har ik ghazal hai mir-e-taqi mir-e-adatan

ho ya na ho hansi magar ansu ghazal mein hai

kahiye tamam shayari ki abru use

tarz-e-bayan kuchh aur hi urdu ghazal mein hai

aurat se guftugu ko nahin tul dijiye

ijaz-o-ikhtisar ka pahlu ghazal mein hai