Arooz is now on the App Store, for iPhone and iPad. Download →

All poetry

اک تہی دست سے کیا کیا تن فانی مانگے

Badr Mohammadi (b. 1963)

اک تہی دست سے کیا کیا تن فانی مانگے

سایۂ زیست میں ہے نقل مکانی مانگے

پیکر ناز سے دل ایذا رسانی مانگے

عقل حیران ہے یہ کیسی گرانی مانگے

آرزو میری ابھی مصر کے بازار میں ہے

یہ زلیخا نہ کہیں یوسف ثانی مانگے

اور کچھ مجھ کو دکھائی نہ پڑے ایسا نہیں

ہاں مری آنکھ فقط جلوۂ جانی مانگے

آسماں سرخ ہوا گرم ندی سوکھی ہوئی

تشنہ موسم ہے مرے جسم سے پانی مانگے

بدرؔ آساں نہیں شاعر کا غزل خواں ہونا

یہ نہیں جادو مگر جادو بیانی مانگے