میں پربت ہوں وہ رائی کی طرح ہے

میں پربت ہوں وہ رائی کی طرح ہے

ہمارے بیچ کھائی کی طرح ہے

ٹھنی جس سے لڑائی کی طرح ہے

وہ بالکل میرے بھائی کی طرح ہے

سلوک احساس کا جاں سے ہماری

کسی کی بے وفائی کی طرح ہے

نہیں کل اپنی یہ فصل تمنا

زمین دل بٹائی کی طرح ہے

امیر شہر کی اونچی عمارت

مری ٹوٹی چٹائی کی طرح ہے

تعارف چہرۂ زہرہ جبیں کا

کتب کی رونمائی کی طرح ہے

پس داد سخن اے بدرؔ پنہاں

کوئی شے ہم نوائی کی طرح ہے

main parbat hun wo rai ki tarah hai

hamare bich khai ki tarah hai

thani jis se larai ki tarah hai

wo bilkul mere bhai ki tarah hai

suluk ehsas ka jan se hamari

kisi ki be wafai ki tarah hai

nahin kal apni ye fasl-e-tamanna

zamin-e-dil batai ki tarah hai

amir-e-shahr ki unchi imarat

miri tuti chatai ki tarah hai

taaruf chehra-e-zohra jabin ka

kutub ki runumai ki tarah hai

pas dad-e-sukhan ai badr pinhan

koi shai ham nawai ki tarah hai