کھو گیا ہے جو اس کو کھونے دو
Chandni Pandey (b. 1974)کھو گیا ہے جو اس کو کھونے دو
پھر نیا خواب مجھ کو بونے دو
بستیوں کو اجاڑنے والو
اب مداری کا کھیل ہونے دو
خواہشوں خواب دیکھنا چھوڑو
نیند آئی ہے مجھ کو سونے دو
روشنائی نہ ختم ہو جائے
کاغذوں کو سیاہ ہونے دو
ہر گھڑی یہ خیال آتا ہے
زندگی کے ہیں صرف کونے دو
جھوٹ بنیاد ہی نہیں رکھتا
روبرو سچ سے سب کو ہونے دو
آنسوؤں سے دھلی زمینوں پر
اب ذرا دھوپ کو بھی رونے دو
چاند کیوں جاگتا ہے ساتھ مرے
رات کے بج رہے ہیں پونے دو
kho gaya hai jo us ko khone do
phir naya khwab mujh ko bone do
bastiyon ko ujarne walo
ab madari ka khel hone do
khwahishon khwab dekhna chhoro
nind ai hai mujh ko sone do
raushnai na khatm ho jae
kaghazon ko siyah hone do
har ghari ye khayal ata hai
zindagi ke hain sirf kone do
jhut buniyad hi nahin rakhta
rubaru sach se sab ko hone do
ansuon se dhuli zaminon par
ab zara dhup ko bhi rone do
chand kyun jagta hai sath mire
rat ke baj rahe hain paune do