ہمیں بربادیوں پہ مسکرانا خوب آتا ہے

ہمیں بربادیوں پہ مسکرانا خوب آتا ہے

اندھیری رات میں دیپک جلانا خوب آتا ہے

غلط فہمی تمہیں کچھ اور آتا ہو نہ آتا ہو

اچانک آگ پانی میں لگانا خوب آتا ہے

ذرا سی بات پہ دیوار کھینچوانے لگا ہے وہ

اسے بھی رائی کا پربت بنانا خوب آتا ہے

ترے ہر جھوٹھ کو سچ مان لیتے ہیں ہمیشہ ہم

ہمیں بھی رسم الفت کو نبھانا خوب آتا ہے

کسی کے سامنے سر کو جھکاتے ہم نہیں لیکن

خدا کے سامنے سر کو جھکانا خوب آتا ہے

تمہارے غم نے ہی بخشی ہے ہم کو یہ ہنر مندی

ہمیں اشکو کو اب موتی بنانا خوب آتا ہے

hamen barbadiyon pe muskurana khub ata hai

andheri rat mein dipak jalana khub ata hai

ghalat fahmi tumhen kuchh aur ata ho na ata ho

achanak ag pani mein lagana khub ata hai

zara si bat pe diwar khinchwane laga hai wo

use bhi rai ka parbat banana khub ata hai

tire har jhuth ko sach man lete hain hamesha ham

hamen bhi rasm-e-ulfat ko nibhana khub ata hai

kisi ke samne sar ko jhukate ham nahin lekin

khuda ke samne sar ko jhukana khub ata hai

tumhare gham ne hi bakhshi hai ham ko ye hunar mandi

hamen ashko ko ab moti banana khub ata hai