مسلسل تھی مری خانہ بدوشی
Chandni Pandey (b. 1974)مسلسل تھی مری خانہ بدوشی
بہت چبھتی رہی خانہ بدوشی
ہر اک محفل میں اس کو ڈھونڈنے سے
ملی نظروں کو بھی خانہ بدوشی
میں گھر میں رہ کے بھی گھر میں نہیں تھی
عجب سی تھی کوئی خانہ بدوشی
کبھی تو آ کے مجھ میں جذب ہو جا
فنا کر دے مری خانہ بدوشی
بہت کچھ ٹوٹتا ہے پہلے اندر
نہیں ملتی یوں ہی خانہ بدوشی
میں ہر اک زاویے سے سوچتی ہوں
مجھے کیوں کر ملی خانہ بدوشی
musalsal thi miri khana badoshi
bahut chubhti rahi khana badoshi
har ik mahfil mein us ko dhundne se
mili nazron ko bhi khana badoshi
main ghar mein rah ke bhi ghar mein nahin thi
ajab si thi koi khana badoshi
kabhi to a ke mujh mein jazb ho ja
fana kar de miri khana badoshi
bahut kuchh tutta hai pahle andar
nahin milti yun hi khana badoshi
main har ik zawiye se sochti hun
mujhe kyun kar mili khana badoshi