دکھوں کی جھیل نہیں ہے تو زندگی کیا ہے

دکھوں کی جھیل نہیں ہے تو زندگی کیا ہے

ہر ایک آنکھ میں ہر وقت یہ نمی کیا ہے

لٹک رہی ہوں میں اب تک صلیب پر اس کی

حیات مجھ سے بھلا اور چاہتی کیا ہے

چہکتی شام تو کترا کے مجھ سے گزری تھی

گزر گئی ہے تو مڑ مڑ کے دیکھتی کیا ہے

خوشی سے اپنی انا میں ہیں قید ہم ایسے

ہمیں خبر بھی نہیں ہے کے زندگی کیا ہے

تمہارے لمس کا مجھ میں اگر خمار نہیں

تو میری جاگتی آنکھوں میں نیند سی کیا ہے

dukhon ki jhil nahin hai to zindagi kya hai

har ek ankh mein har waqt ye nami kya hai

latak rahi hun main ab tak salib par us ki

hayat mujh se bhala aur chahti kya hai

chahakti sham to katra ke mujh se guzri thi

guzar gai hai to mur mur ke dekhti kya hai

khushi se apni ana mein hain qaid ham aise

hamen khabar bhi nahin hai ke zindagi kya hai

tumhare lams ka mujh mein agar khumar nahin

tu meri jagti ankhon mein nind si kya hai