میرے اشعار کو معیار پہ تولا جائے

میرے اشعار کو معیار پہ تولا جائے

فن کو رکھ کر کسی فن کار پہ تولا جائے

بات ہے تاب نظر کی تو ہٹا کر پردہ

شوق دیدار کو دیدار پہ تولا جائے

راس آتی ہے انہیں دھوپ جو صحرائی ہیں

کیوں انہیں سایۂ دیوار پہ تولا جائے

نفرتیں ہم کو سہی تول نہیں سکتی ہیں

تولنا ہے تو ہمیں پیار سے تولا جائے

دیکھیے حسن کا معیار نہ گرنے پائے

اس کو میزان خریدار پہ تولا جائے

mere ashar ko meyar pe tola jae

fan ko rakh kar kisi fan kar pe tola jae

bat hai tab-e-nazar ki to hata kar parda

shauq-e-didar ko didar pe tola jae

ras ati hai unhen dhup jo sahrai hain

kyun unhen saya-e-diwar pe tola jae

nafraten ham ko sahi tol nahin sakti hain

tolna hai to hamen pyar se tola jae

dekhiye husn ka meyar na girne pae

us ko mizan-e-kharidar pe tola jae