مکدر ہی تھا کچھ ایسا ہمارا

مکدر ہی تھا کچھ ایسا ہمارا

سفر کٹتا رہا تنہا ہمارا

کئی چہروں کا غم ہے اس میں شامل

ہمارا ہے کہاں چہرہ ہمارا

وہ بھولے اور ہم بھولے نہ ان کو

تعلق ہے یہی ان کا ہمارا

ہمیں منزل پے آ کر یہ خلش ہے

پلٹ جاتے تو کیا جاتا ہمارا

نبھانے کی مسلسل کوششوں میں

بگڑتا ہی گیا رشتہ ہمارا

چڑھاتا ہے کوئی لہروں کو اکثر

بنا کر ریت پر نقشہ ہمارا

ہے اپنی چاندنیؔ ہی چار دن کی

بگاڑے گی ہی کیا دنیا ہمارا

mukaddar hi tha kuchh aisa hamara

safar katta raha tanha hamara

kai chehron ka gham hai is mein shamil

hamara hai kahan chehra hamara

wo bhule aur ham bhule na un ko

taalluq hai yahi un ka hamara

hamen manzil pe a kar ye khalish hai

palat jate to kya jata hamara

nibhane ki musalsal koshishon mein

bigarta hi gaya rishta hamara

charhata hai koi lahron ko aksar

bana kar ret par naqsha hamara

hai apni chandni hi char din ki

bigaregi hi kya duniya hamara