یہ محبت جو محبت سے کمائی ہوئی ہے

یہ محبت جو محبت سے کمائی ہوئی ہے

آگ سینہ میں اسی نے تو لگائی ہوئی ہے

اک وہی پھول میسر نہ ہوا دامن کو

جس کی خوشبو میری رگ رگ میں سمائی ہوئی ہے

جب بھی آنکھوں نے سجائے ہے تمہارے سپنے

ذہن اور دل میں بہت دیر لڑائی ہوئی ہے

دل کی چوکھٹ پہ جلا رکھے ہے آنکھوں نے چراغ

کس کی آمد کی ابھی آس لگائی ہوئی ہے

اس کی یادو سے منور ہے مرے دل کا جہاں

آنسوؤں سے میری آنکھوں کی صفائی ہوئی ہے

اے محبت تیرے چہرہ پہ اداسی کیوں ہے

جیسے ایک تو ہی زمانہ کی ستائی ہوئی ہے

جس کی کرنوں سے جھلس جاتے ہیں روشن چہرے

چاندنی بھی اسی سورج کی بنائی ہوئی ہے

ye mohabbat jo mohabbat se kamai hui hai

ag sina mein usi ne to lagai hui hai

ik wahi phul muyassar na hua daman ko

jis ki khushbu meri rag rag mein samai hui hai

jab bhi ankhon ne sajae hai tumhare sapne

zehn aur dil mein bahut der larai hui hai

dil ki chaukhat pe jala rakhe hai ankhon ne charagh

kis ki amad ki abhi as lagai hui hai

us ki yado se munawwar hai mire dil ka jahan

ansuon se meri ankhon ki safai hui hai

ai mohabbat tere chehra pe udasi kyun hai

jaise ek tu hi zamana ki satai hui hai

jis ki kirnon se jhulas jate hain raushan chehre

chandni bhi isi suraj ki banai hui hai