ڈبو کے ملک سے تیرے حساب کا سورج

ڈبو کے ملک سے تیرے حساب کا سورج

نکالنا ہے ہمیں انقلاب کا سورج

کسی بھی شخص کو لاتے نہیں وہ نظروں میں

بلندیوں پہ ابھی ہے جناب کا سورج

مٹا کے ظلم کی رکھ دے گا یہ تمازت کو

نکل رہا ہے نئی آب و تاب کا سورج

ہے نور چھایا ہوا ہر طرف زمانے میں

چمک رہا ہے کسی کے شباب کا سورج

اگر غریب کا بے بس کا دل دکھائے گا

جلا کے چھوڑے گا تجھ کو عذاب کا سورج

جبیں پہ آپ کی سجدوں کے گر نشاں ہوں گے

لحد کو رکھے گا روشن ثواب کا سورج

خدا کی ذات سے امید ہے یہ شادؔ ہمیں

اگے گا ایک دن اپنے حساب کا سورج

dubo ke mulk se tere hisab ka suraj

nikalna hai hamen inqilab ka suraj

kisi bhi shakhs ko late nahin wo nazron mein

bulandiyon pe abhi hai janab ka suraj

mita ke zulm ki rakh dega ye tamazat ko

nikal raha hai nai ab-o-tab ka suraj

hai nur chhaya hua har taraf zamane mein

chamak raha hai kisi ke shabab ka suraj

agar gharib ka be bas ka dil dikhaega

jala ke chhorega tujh ko azab ka suraj

jabin pe ap ki sajdon ke gar nishan honge

lahad ko rakhega raushan sawab ka suraj

khuda ki zat se ummid hai ye shad hamen

ugega ek din apne hisab ka suraj